A última fase consistirá na creación dunha nova marquesiña
A execución das obras na parada de taxis situada a carón da Praza do Concello, na céntrica Avenida de Caión, entrou na súa fase final. Xa estás rematadas a fases das obras consistentes na ampliación da beirarrúa e da colocación do adoquinado que diferencia as zona.
O proxecto ten por finalidade mellorar a accesibilidade e adecuar ese espazo en beneficio de peóns, condutores e dos profesionais do sector do taxi. Además, os usuarios terán unha maior comodidade para entrar e saír dos vehículos. Así mesmo, aumenta a seguridade ao existir agora unha maior separaración dos taxis estacionados da zona de circulación de vehículos.
A última fase das obras consistirá na creación dunha nova marquesiña xunto á parada en substitución das cabinas telefónicas para aumentar a comodidade dos usuarios durante o tempo de espera. Tamén dos taxistas no momento de atención das chamadas. Ademais, resta por realizarse o pintado das marcas viarias, incluíndo a parada de autobús do transporte escolar.
A actuación deseñada polo Concello da Laracha está valorada en preto de 30.000 euros e será financiada integramente con fondos propios municipais. O alcalde, José Manuel López Varela, reuniuse co responsable da empresa que está a executar o proxecto e tamén con Jesús López, presidente da Asociación de Taxistas da Laracha.
