A praza do Concello da Laracha acolle a exposición itinerante
Desde hoxe e durante 15 días a Praza do Concello acollerá a exposición itinerante ao aire libre “50 anos sen troles”. A mostra coincide co quincuaxéximo aniversario da desaparición do que foi o principal medio de comunicación durante moitos anos.
A exposición é unha iniciativa da Asociación Cultural Lumieira e o Concello de Carballo. Inclúe dez expositores con información escrita e fotografías. Tamén, material recompilado polo profesor e historiador Xan Fraga Rodríguez, autor de varios libros sobre o Trolebús e o tranvía.
