Mañá haberá cine ao aire libre e o domingo, pasacalle e teatro na vila de Caión
Todos os anos nestas datas en Caión celébranse as Festas do Corpus e do Carme, a patroa dos mariñeiros. Antes da pandemia o programa lúdico e recreativo o organizaba a Asociación Cultural y Deportiva Peña Royal coa colaboración do Concello.
Por segundo ano consecutivo a situación sanitaria continúa impedindo a celebración das festas. Sen embargo, coincidindo con estas datas o Concello programou eventos culturais dirixidos a todos os públicos, especialmente ao infantil e familiar. Se desenvolverán cumprindo as oportunas medidas de seguridade. Ambos levaranse a cabo no aparcamento xunto á casa reitoral, preto da praza Eduardo Vila Fano.
Programa
Así, mañá venres a partir das 22:30 horas proxectarase o filme galego-cubano de animación Maimiño e o espello máxico. Trátase dunha adaptación libre do clásico conto Pulgariño.
O domingo a mediodía haberá un pasacalle pola vila de Caión a cargo do grupo Xacarandaina. Pola tarde, desde as 19:30 horas, de novo no aparcamento haberá teatro infantil con «Acuario». Trátase dunha peza de Ghazafelhos baseada no libro de poemas de María Canosa e posto en escena con actores e monicreques.
O acceso a ambos eventos culturais será gratuíto e por orde de chegada ata completar a capacidade máxima permitida no recinto. A Deputación Provincial da Coruña colabora co Concello na organización deste programa.
