Os alcaldes dos tres concellos sentan as bases dunha estratexia para impulsar a creación dunha gran área loxística na zona de influencia de Punta Langosteira
Os concellos da Laracha, Carballo e Arteixo definen una estratexia para non deixar pasar a oportunidade de desenvolvemento que supón o porto exterior. Para non perder ese tren, seus alcaldes veñen de manter unha reunión na que abordaron a necesidade de traballar conjuntamente. Os obxetivos son potenciar a mobilidade baseada na creación dunha conexión ferroviaria. Pero tamén, na mellora das comunicacións por estrada. Deste xeito, poderáse converter o importante eixo industrial e residencial nunha gran área loxística de Punta Langosteira.
Na reunión consideraron tanto o volume total de poboación -preto de 75.000 habitantes- como o potencial de creación de emprego dos catro parques empresariais no territorio como os desprazamentos que xa se rexistran a diario por motivos laborais, José Manuel López Varela, Evencio Ferrero e Carlos Calvelo, estableceron como obxectivo inmediato a redacción dun plan de mobilidade conxunto. Este definirá as infraestruturas viarias e ferroviarias que é preciso crear ou renovar para ofrecer solucións que integran a mobilidade residencial coa industrial e a loxística. “O importante é que aquí vense a vivir e traballar”, destacou o alcalde de Arteixo, e ese é un aspecto diferenciador con respecto a outras áreas metropolitanas.
Nese sentido, A Laracha, Carballo e Arteixo promoven este proxecto transformador baixo os seguintes eixos:
- visión de futuro
- incrementar o potencial de desenvolvemento económico do eixo industrial
- facilitar a mobilidade das persoas
- perspectiva de sustentabilidade
- apostar polos transportes colectivos para reducir o uso dos vehículos particulares
Convenio de colaboración
Os tres concellos asinarán un convenio de colaboración para a redacción do documento. A finalidade finalidae é presentalo ás administracións competentes -Xunta de Galicia e Goberno de España- e poder optar a fondos europeos para o seu financiamento.
Unha vez máis, os tres alcaldes reiteraron a importancia de que os concellos compartan estratexias de futuro e unha visión conxunta do territorio na procura do beneficio común. Neste caso, potenciar o desenvolvemento económico e social do eixo industrial Arteixo-A Laracha-Carballo. José Manuel López aludiu tamén á importancia de impulsar a ampliación do solo industrial “para non perder as oportunidades de implantación de novas empresas”. Nese sentido, Evencio Ferrero apuntou aos graves prexuízos que causa a deslocalización. “Non importa que estean en Carballo, na Laracha ou en Arteixo; o importante é que non marchen para outros países, como está pasando”.
