O galardón Bandeira Verde foi creado no ano 2020 pola Xunta de Galicia
A Laracha recibiu a súa primeira Bandeira Verde de Galicia. O distintivo que otorga a Xunta de Galicia, premia aos municipios que destacan polo seu labor a prol da protección da paisaxe e do medio ambiente. A resolución foi comunicada polo Instituto de Estudos do Territorio.
Neste ano son quince os municipios da comunidade que obteñen este recoñecemento. Os mesmos son considerados pola Consellería de Medio Ambiente, Territorio e Vivenda como os máis dinámicos en desenvolver boas prácticas ambientais. Destacan o coidado da contorna, o respecto da paisaxe, a minoración das emisións de CO2 e a redución do consumo enerxético.
Entra as accións levadas a cabo polo Concello e que posibilitaron a concesión deste distintivo cabe salientar:
- renovación da iluminación pública e das instalacións municipais por luminarias tipo LED de maior eficiencia enerxética
- implantación da quinta fracción da recollida selectiva (colector marrón de orgánicos)
- humanización de rúas
- creación e mellora de sendas peonís
- accións de sensibilización en material medioambiental
- outras iniciativas medioambientais
A Bandeira Verde, creada no ano 2020, pretende convertese nun distintivo que sexa recoñecido pola cidadanía, turistas e visitantes. O obxetivo é fortalecer a imaxe dos municipios máis comprometidos nos ámbitos ambiental, paisaxístico e de respecto ao patrimonio natural.
