Os tres deportistas son de categoría cadete e adestran no Club de Salvamento Acuático Laracha (SAL)
O alcalde da Laracha, José Manuel López Varela, e a concelleira de Deportes, Patricia Bello, recibiron no Concello aos tres deportistas laracheses. Eles participaron no II Campionato de España por Comunidades Autónomas. Luis Negreira Mariño, Juan Martín Rodríguez Lafuente e Lucía Añón Sánchez -ademais de Borja Díez, tamén larachés e adestrador do combinado galego- lograron un total de dez medallas
Destacaron tamén a traxectoria deportiva dos tres rapaces do SAL, durante este ano. Xa competiran no campionato de España cadete celebrado en xullo en Cantabria. Tamén nos campionatos galegos tanto de augas abertas como no de piscina nos que Luis lograra outras 5 medallas e Lucía e Juan Martín, catro cada un.
Visibilizar a modalidade deportiva
O rexedor salientou ademáis que Lucía quedouse a unha centésima de bater un récord galego e que Juan Martín participou en xuño nas xornadas de tecnificación da Federación Española de Salvamento e Socorrismo. O acto no Concello celebrouse para recoñecer e felicitar aos tres deportistas polos seus resultados, así como para visibilizar esta modalidade deportiva na que A Laracha é referencia galega e nacional.
