A Xunta de Galicia comeza a distribución de 1.000 portátiles con conexión a internet gratuitas, destinados a familias con menos recursos. Será para os fillos que cursen Secundaria, Bacharelato ou Formación Profesional. Esta medida, realízase en colaboración cos operadores R, Vodafone e Orange. A familias recibirán os equipos e a conectividade como préstamo persoal. A idea é facilitarlles aos seus fillos o seguimento da actividade educativa, mentres dure o estado de alarma.
Os portátiles entregaranse a través dos seus centros de ensino, grazas á colaboración dos equipos directivos, cos que se contacta previamente para pechar a entrega do equipamento. Cada centro recibirá tres equipos con conectividade. Elles os distribuirán entre as familias atendendo á súa situación socioeconómica. Priorizando o alumnado dos cursos de final de etapa que titulen (4º da ESO, 2º de Bacharelato e 2º de FP). Tamén a aquelas familias que non dispoñan nos fogares de ordenador nin de conexión a internet.
Triplícase o uso das plataformas online
A dotación deste equipamento forma parte do paquete de medidas para facilitar o seguimento en liña da actividade educativa. Entre as últimas actuacións está a posta a disposición dos docentes. Esta mesma semana, dunha plataforma de videoconferencia que xa permitiu máis de 20.000 comunicacións, nas que participaron máis de 58.000 docentes e alumnos.
Ademais, desde o pasado luns os provedores de contidos da plataforma E-Dixgal: aulaPlaneta, Edebé, Netex e Pearson, permiten o acceso ao seus contidos aos centros que non están integrados na iniciativa. Unha medida da que se poden beneficiar ata 95.000 rapaces.
Maior número de usuarios
Por outra banda, as plataformas coas que xa contaba a comunidade educativa galega incrementaron o seu uso desde a entrada en vigor da emerxencia sanitaria en Galicia. A aplicación abalarMóbil triplicou os usuarios diarios, e fronte aos 28.000 de media antes da crise, estes días rexistráronse nalgunha xornada máis de 86.000 usuarios. AbalarMobil ofrece distintas modalidades de comunicación entre profesores, centros e familias. Nesta semana é especialmente relevante porque permite ás familias consultar as cualificacións da segunda avaliación dos seus fillos, que se está a realizar estes días en boa parte dos centros.
Tamén as Aulas Virtuais dos centros triplicaron o número de usuarios, pasando duns 18.000 de media diarios antes da emerxencia sanitaria a rexistrar máis de 58.000. Triplicando tamén o uso da plataforma, que pasou de 1 millón de interaccións diarias a máis de tres millóns. Na plataforma de E- Dixgal rexistráronse incrementos de accesos diarios de entre o 90% e o 110% máis dos habituais.
Para facilitar o acceso a todos os servizos e recursos dixitais dispoñibles a través de conexión a internet para toda a comunidade educativa, habilitouse un espazo no portal educativo. Alí se indica como acceder a eles e manuais de uso, que se están a completar con videotitoriais.
Liñas de datos de alta capacidade
Ademais, o Ministerio de Educación comunicou que remitirá ás CCAA 20.000 liñas de datos de alta capacidade para estudantes de Bacharelato e de FP Media e Superior, das que Galicia recibirá 928 unidades. Segundo indica, a distribución fíxose atendendo á Enquisa de Condicións de Vida 2018 do Instituto Nacional de Estatística. As tarxetas están dispoñibles grazas á colaboración do operador Telefónica.
Deste xeito, atenderase á demanda feita a pasada semana por Galicia na Conferencia Sectorial para complementar a iniciativa xa posta en marcha por Galicia. Poñese á disposición das CCAA recursos de conectividade, que faciliten a actividade educativa non presencial, especialmente en territorios de elevada dispersión poboacional. Á demanda sumáronse outras comunidades como Asturias, Cantabria ou Castela e León.
