O Concello organiza un concurso de disfraces de Entroido para participar desde casa
O Concello da Laracha realizará durante a semana do Entroido un concurso de disfraces a través da rede social Facebook. Convidará a participar desde os seus domicilios, a todas as persoas empadroadas no termo municipal.
Haberá tres categorías nas que os participantes poderán inscribirse dependendo do número de membros e das idades dos concursantes. Unha é individual infantil (ata 12 anos), outra individual adulto (maiores de 12 anos) e a familiar (dous ou máis membros).
En cada categoría están establecidas dúas modalidades de premios, sendo unha delas decidida polo xurado nomeado polo Concello. Valorará aspectos como a creatividade, orixinalidade, posta en escena e elaboración artesanal dos disfraces. A outra modalidade está baseada no número de “gústames” que obteña dos usuarios de Facebook. En total repartiranse 1.390 euros en premios.
Cubrir un formulario
As persoas ou familias larachesas que desexen participar deben cubrir o formulario que estará dispoñible na web municipal a partir deste luns e ata o 15 de febreiro ás 12:00 h. Ese mesmo día publicaranse as fotos no Facebook. O prazo para votar rematará o 19 de febreiro ás 12:00 horas. O Concello, tras anunciar recentemente a cancelación dos eventos tradicionais do programa de Entroido, porá en marcha este concurso. A finalidade é animar á cidadanía a celebrar as festas desde os seus domicilios e, por tanto, dun xeito responsable e seguro. Debaixo poderá verse as bases so concurso de disfrases e o cartel completo da convocatoria.
