«Deixan en mans das direccións dos centros educativos a responsabilidade da organización”, sostén a portavoz do PSOE da Laracha, Paloma Rodríguez Castiñeira
Os socialistas da Laracha rexistraron unha moción para o seu debate no próximo pleno da Corporación Municipal. Demandan que o concello inste á Xunta “á retirada do actual protocolo de adaptación á Covid dos centros de ensino. E á apertura de canles de diálogo que permitan consensuar un documento que conte co aval da administración e dos membros da comunidade educativa”.
O grupo municipal socialista da Laracha recibiu con data 16 de xullo do presente ano o protocolo de adaptación ao contexto da Covid-19 nos centros de ensino non universitarios de Galicia para o comezo da actividade lectiva no mes de setembro.
Este texto, do que se retrasou a súa difusión por motivos claramente electorais e para o que non se tivo en absoluto en conta ás familias. Elas son as quen van sufrir as súas consecuencias. “Non muda nada do existente, estíranse as costuras do sistema educativo para non ter que investir nin un céntimo. Repite no erro do terceiro trimestre pasado. Deixar en mans das direccións dos centros educativos a responsabilidade da organización”, sostén a portavoz do PSOE da Laracha, Palomi Rodríguez.
Uniformidade
“Isto implica a falta de uniformidade á hora de tratar un problema que si é uniforme. Non hai ningunha razón para que dous centros escolares dean diferentes respostas a situacións iguais. Así como a utilización das direccións como responsables da xestión dun problema que é estritamente sanitario”, engaden os socialistas.
O PSOE considera que o Concello da Laracha «debe pedir á Consellería de Educación o investimento suficiente en recursos humanos e materiais. E asegurar a necesaria seguridade física e psicolóxica do alumnado e o profesorado».
