O CIM da Laraccha atende preto de 2.000 consultas no ano 2022.
O CIM da Laracha fai balance e «ponse de manifesto o alto volume de actividade e, por conseguinte, o grao de coñecemento do servizo, a valoración e o seu emprego por parte da cidadanía«, apuntan fontes municipais. As cifras indican que ao longo do ano 2022 o CIM tramitou un total de 485 expedientes e
atendeu 1.972 consultas.
Ademais, realizáronse 22 accións clasificadas en sete áreas de actuación diferenciadas. En relación á loita contra a violencia de xénero, cabe sinalar:
- programa de intervención con nenas e nenos vítimas,
- servizo telefónico de atención e protección ás vítimas (ATENPRO)
- mesas de traballo sobre coordinación interinstucional relativas a esta temática. Nas mesas se conta coa implicación dos profesionais das distintas forzas e corpos de seguridade, dos centros de ensino e do centro médico da Laracha.
Tamén, desde o CIM xestiónase o Programa Harmoniza: Conciliando na Laracha, que vén de incorporar o servizo de Canguros para a atención domiciliaria. E tamén se realizaron programas municipais de actividades para conmemorar o Día das Mulleres (8 de marzo), o Día das Mulleres Rurais (15 de outubro) e o Día Internacional para a eliminación da violencia contra as mulleres (25 de novembro).
Servizo municipal gratuito
Engadir que o Centro de Información ás Mulleres (CIM) da Laracha é un servizo municipal gratuito. Ten por finalidade atender as demandas e necesidades das mulleres de forma individualizada e confidencial.
Así, o centro, adscrito á Concellería Igualdade, proporciona con carácter permanente:
- asesoramento e atención xurídica e psicolóxica
- asistencia específica a vítimas da violencia de xénero
- información sobre recursos e axudas
- e orientación profesional e para o emprego
Tamén organiza directamente programas de promoción da igualdade e iniciativas formativas e informativas sobre cuestións de interese para as mulleres.
Aclarar que o CIM está a disposición da cidadanía no edificio administrativo (Avenida Fisterra, 60). O seu horario de apertura é de luns a venres de 8:30 15:30 horas, coa excepción do xoves, que é de 8:30 a 15:00 h pola mañá e de 16:00 a 20:00 h pola tarde.
