Na última reunión da Xunta de Goberno Local deuse luz verde a dous proxectos. O Concello presentaraos á Consellería de Medio Ambiente, Territorio e Vivenda
A Xunta de Goberno Local da Laracha aprobou na última reunión a tramitación de dous novos proxectos. Será ao abeiro de convocatorias de subvencións a entidades locais para actuacións relacionadas coa mellora da xestión medioambiental.
Un deles consiste na adquisición dun camión con caixa e chasis adaptado específicamente para a recollida e transporte de voluminosos. Se poría a disposición do persoal do punto limpo. Con esta iniciativa o Concello pretende mellorar o servizo que tan boa acollida tivo desde a súa implantación. Tamén, facilitar á poboación larachesa desfacerse de elementos de grandes dimensión (electrodomésticos, colchóns, mobles, sofás, etc.) de xeito gratuíto e sen desprazarse dos seus domicilios. A adquisición do camión e a campaña informativa que desenvolvería o Concello están valoradas nun total de 62.799 euros.
A outra das subvencións que se solicita á Consellería de Medio Ambiente, Territorio e Infraestruturas será ao abeiro da convocatoria dirixida a asinantes do Pacto das Alcaldías e ten por finalidade a realización do Plan de acción polo clima e a enerxía sostible.
Estratexia do plan
O consistorio promove a elaboración de dito documento para deseñar a estratexia do plan. Ademáis, para cumprimentar o inventario de emisións de referencia, establecer medidas de mitigación e avaliar riscos e vulnerabilidades fronte ao cambio climático.
O Concello da Laracha adherírase ao Pacto das Alcaldías para o Clima e a Enerxía co compromiso de reducir as emisións de CO2 nun mínimo do corenta por cento antes do ano 2030. Iste é posible a través da mellora da eficiencia enerxética e a promoción do uso das fontes de enerxía renovables.
