O alcalde participou en Bulgaria nun proxecto do programa «Europe for Citizens»
O alcalde, José Manuel López Varela viajó a Bulgaria. Na oportunidade representou ao Concello da Laracha nun evento do programa «Europe for Citizens» que tivo lugar nas localidades de Sofía e Knezha. Alí participaron municipios e entidades de dezasete países europeos (Bulgaria, España, Hungría, Alemaña, Portugal, Eslovaquia, Letonia, Estonia, Italia, Polonia, Francia, Grecia, Croacia, Suecia, Malta, Chipre e Romanía).
O evento versou sobre a Europa da diversidade e tratáronse aspectos relacionados coa integración e a socialización das persoas migrantes. De feito, o obxectivo principal centrouse na creación de novas perspectivas a través do diálogo e da reflexión sobre cuestións migratorias. Tamén abordaron a historia e diversidade dos diferentes países do continente. Deste xeito os participantes afondaron na súa posición actual sobre a temática das migracións e a busca alternativa de novos retos xurdidos polas situacións actuais. Por tanto, alentouse aos participantes a intercambiar opinións e formular novas ideas e propostas concretas cara o futuro.
Para alcanzar os propósitos do proxecto creouse unha rede a longo prazo entre as entidades e institucións participantes. Durante o desenvolvento do evento, os participantes foron recibidos polo Gobernador Mario Todorov, xefe do Distrito de Pleven. Así mesmo, estiveron en contacto en todas as xornadas con Iliycho Lachkovski, alcalde de Knezha e organizador. Entre as diversas actividades realizadas cabe salientar a xornada de traballo no Parlamento de Bulgaria coa deputada nacional Rositsa Todorova.
